ИПИГРИКС® (20 мг)

ИПИГРИКС®

Ипидакрин

20 мг таблеткалар

Бір таблетканың құрамында

белсенді зат: ипидакрин гидрохлориді (сусыз затқа шаққанда) – 20 мг,

қосымша заттар: лактоза моногидраты; картоп крахмалы; кептірілген картоп крахмалы; кальций стеараты.

Дөңгелек жалпақ цилиндр пішінді, ойығы бар ақ немесе ақ дерлік түсті таблеткалар.

Психоаналептиктер. Холинэстераза тежегіштері. Ипидакрин.

АТХ коды N06DA05

Фармакокинетикасы

Сіңуі

Ішу арқылы қолданған кезде асқазан-ішек жолынан тез сіңеді. Сіңуі негізінен он екі елі ішектен жүреді, азырақ дәрежеде – жіңішке ішектен. 10 мг дозаны қолданғаннан кейін ипидакрин плазмадағы ең жоғары концентрациясына 1 сағаттан кейін жетеді.

Таралуы

40-55 % ипидакрин плазма протеиндерімен байланысады. Ипидакрин тіндерге жылдам түседі, және тепе-тең күйде плазмада 2 % ипидакрин ғана табылады.

Метаболизмі бауырда жүзеге асады.

Шығарылуы ренальді және экстраренальді жүзеге асады, несеппен экскрециялануы басым. Жартылай шығарылу кезеңі 40 минутты құрайды. Бүйрек арқылы несеппен шығарылуы негізінен бүйрек өзекшелеріне сөлініс жолымен жүреді, және дәрінің 1/3 бөлігі ғана шумақшаларда сүзіліп шығарылады. Ішу арқылы қолданғаннан кейін несеппен өзгермеген күйде 3,7 % дозасы, парентеральді қолданудан кейін – 34,8 % дозасы шығарылады.

Фармакодинамикасы

Ипидакрин холинэстеразаның қайтымды тежегіші болып табылады. Жарғақшалардың калийлік өзекшелерін бөгеп, ОЖЖ-де және жүйке-бұлшықет синапстарында импульстердің өтуін тікелей стимуляциялайды. Ипидакрин ацетилхолин медиаторының ғана емес, адреналиннің, серотониннің, гистаминнің және окситоциннің де тегіс бұлшықеттерінің әсерін күшейтеді.

Ипидакриннің басты фармакологиялық әсерлері:

• жүйке-бұлшықет өткізуін қалпына келтіру және стимуляциялау;

• кейбір факторлардан (жарақат, қабыну, жергілікті анестезиялаушы дәрілердің, антибиотиктердің, калий хлоридінің және т.б. әсері.) туындаған блокададан кейін шеткері жүйке жүйесіне импульстердің өткізілуін қалпына келтіру;

• калий хлоридінен басқа, барлық агонистердің ықпалымен тегіс бұлшықетті ағзалардың жиырылғыштығын күшейту;

• тыныштандырғыш әсердің жекелеген көріністерімен бірге ОЖЖ арнайы орташа стимуляциясы;

• жадыны жақсарту.

Бұл дәріні балаларға қолданудың қауіпсіздігін клиникалық зерттеудің статистикалық деректері жоқ.

• шеткері жүйке жүйесінің аурулары (неврит, полиневрит, полинейропатия, полирадикулонейропатия, миастения және шығу тегі әртүрлі миастениялық синдром)

• бульбарлы салдану және парездер

• қозғалыстың бұзылуымен қатар жүретін ОЖЖ органикалық зақымдануынан кейін қалпына келу кезеңі

• демиелинизациялаушы ауруларды кешенді емдеу

• шығу тегі әртүрлі жадының бұзылулары (Альцгеймер ауруы және қарттық деменцияның басқа да түрлері)

• ішек атониясы

Таблеткаларды ішке, сумен ішу арқылы қабылдайды. Дозасын және емдеу ұзақтығын аурудың ауырлық деңгейіне байланысты жеке анықтайды.

Ересектер

Шеткері жүйке жүйесінің аурулары, миастения және миастениялық синдром: 10-20 мг-ден күніне 1-3 рет қолданады. Емдеу курсының ұзақтығы 1-2 айды құрайды. Қажет болған жағдайда емдеуді курстар арасында 1-2 ай үзіліс жасап, бірнеше рет қайталауға болады. Бір реттік 10 мг дозаны алу үшін басқа дәрілік түрді қолданады (инъекцияға арналған, құрамында 1 мл-де 5 мг ипидакрин бар 2 мл ерітінді).

Нейробұлшықет өткізуінің ауыр бұзылуында миастениялық криздің дамуының алдын алу үшін: қысқа уақытта парентеральді 15-30 мг енгізеді (инъекцияға арналған, құрамында 1 мл-де 15 мг ипидакрин бар 1-2 мл ерітінді). Дозаны күніне 5-6 рет 20-40 мг (1-2 таблетка) дейін арттыра отырып, емдеуді таблеткалармен жалғастырады. Ең жоғары тәуліктік доза 240 мг дейін жетуі мүмкін (6 бөліп қабылданатын 12 таблетка).

Шығу тегі әртүрлі жадының бұзылулары (Альцгеймер ауруы және қарттық деменцияның басқа да түрлері): Ең жоғары тәуліктік доза 200 мг дейін жетуі мүмкін (5 бөліп қабылданатын 10 таблетка). Емдеу курсының ұзақтығы 1-12 айды құрайды.

Ішек атониясы: дозасы 1-2 апта бойы күніне 2-3 рет 20 мг құрайды.

Егде пациенттер және бауыр және/немесе бүйрек қызметінің бұзылуы бар пациенттер: дозаны таңдау қажет емес.

Балалар: 18 жасқа дейінгі балалар мен жасөспірімдерге қолдану қауіпсіздігі зерттелмеген, сондықтан қолдануға болмайды.

Жағымдылығы жақсы. М холинорецепторлардың қозуына байланысты жағымсыз әсерлер болуы мүмкін, барлық адамдарда бола бермейді. Жағымсыз әсерлер пайда болған кезде дозаны азайтады немесе қолдануды аз уақытқа (1 2 күн) тоқтатады.

Бұдан әрі жағымсыз әсерлері MedDRA ағзалар жүйесін жіктеудің және кездесу жиілігін бөлудің деректер базасына сәйкес реттелген: өте жиі (≥1/10), жиі (≥1/100 - <1/10 дейін), жиі емес (≥1/1000 - <1/100 дейін), сирек (≥1/10 000 - <1/1000 дейін), өте сирек (<1/10 000), белгісіз (қолжетімді деректер бойынша анықтау мүмкін емес).

Жүйке жүйесі тарапынан

Жиі емес: бас айналуы, бас ауыруы, ұйқышылдық (үлкен дозаларын қолданғанда).

Жүрек тарапынан

Жиі: жүрек қағуы, брадикардия*.

Тыныс алу, кеуде қуысы және көкірек ортасы ағзалары тарапынан

Жиі емес: бронх сөлінісінің күшеюі.

Асқазан-ішек жолы тарапынан

Жиі: сілекей ағу*, жүрек айну.

Жиі емес: құсу (үлкен дозаларын қолданғанда).

Сирек: іш өту, эпигастриядағы ауыру.

Тері және теріасты тіндері тарапынан

Жиі: қатты терлеу.

Жиі емес: аллергиялық реакциялар (қышыну, бөртпе) (үлкен дозаларын қолданғанда).

Қаңқа-бұлшықет және қатарлас жүйелер тарапынан

Жиі емес: бұлшықет құрысулары (үлкен дозаларын қолданғанда).

Жалпы бұзылыстар және енгізген жердегі реакциялар

Жиі емес: әлсіздік (үлкен дозаларын қолданғанда).

* Сілекей ағуын және брадикардияны холиноблокаторларды (мысалы, атропин) қолдану арқылы азайтуға болады.

- препараттың кез келген компонентіне жоғары сезімталдық

- эпилепсия

- гиперкинезі бар экстрапирамидтік бұзылулар

- стенокардия

- айқын брадикардия

- бронх демікпесі

- ішектің немесе несеп шығаратын жолдың бітелуі

- асқазанның немесе он екі елі ішектің ойық жарасының өршуі

- вестибулярлық бұзылыстар

- жүктілік және емшек емізу

- 18 жасқа дейінгі балалар мен жасөспірімдер

ОЖЖ бәсеңдететін дәрілермен бір мезгілде қолданған кезде тыныштандыратын әсерді күшейтеді. Басқа холинэстераза тежегіштерімен және м холиномиметикалық дәрілермен бірге қолданған кезде әсерін және жағымсыз әсерлерін күшейтеді.

Миастениясы бар пациенттерде басқа холинергиялық дәрілермен бір мезгілде қолданған кезде холинергиялық криз қаупі күшейеді.

Бета-адреноблокаторлар ипидакриннен туындайтын брадикардияның айқындығын арттырады.

Церебролизин ипидакринмен бірге ақыл-ой қызметінің үдерісін жақсартады.

Алкоголь ипидакриннің жағымсыз әсерлерін күшейтеді.

Сақтықпен қолдану керек

• анамнезінде асқазанның ойық жарасы, он екі елі ішектің ойық жарасы, тиреотоксикозы және жүрек-қантамыр аурулары бар пациенттерге

• анамнезінде тыныс жолдарының ауруы және тыныс жолдарының жедел ауруы бар пациенттерге

Таблеткалардың құрамында лактоза моногидраты бар. Бұл дәріні сирек туа біткен галактоза жақпаушылығы, Lapp лактаза тапшылығы немесе глюкоза-галактоза мальабсорбциясы бар пациенттерге қолданбау керек.

Жүктілік және лактация кезеңі

Ипидакрин жатырдың тонусын күшейтеді және мезгілінен бұрын босануға әкелуі мүмкін, сондықтан оны жүктілік кезінде қолдануға болмайды.

Қолдану қауіпсіздігі туралы мәліметтер болмағандықтан, ипидакринді балаға емшек емізу кезінде аналарға қолдануға болмайды.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Ипидакрин седативті әсер етуі мүмкін, сондықтан осы әсерге ұшыраған пациенттер, ипидакринді қолданған кезде көлік құралдарын басқаруда және механизмдермен жұмыс істеуде сақтық танытуы керек.

Симптомыдары: ауыр артық дозалану кезінде холинергиялық криздің дамуы мүмкін (бронх түйілуі, көзден жас ағу, қатты терлеу, қарашықтардың тарылуы, нистагм, өздігінен болатын дефекация және несеп шығару, құсу, брадикардия, жүрек блокадасы, аритмия, гипотензия, мазасыздық, үрейлену, қозу, қорқыныш сезімі, атаксия, түсініксіз сөйлеу, ұйқышылдық, әлсіздік, құрысулар және кома). Симптомдары әлсіз байқалуы мүмкін.

Шығарылу түрі және қаптамасы

25 таблеткадан алюминий фольгадан және поливинилхлоридті үлбірден жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

25 С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды!

Рецепт арқылы

Өндіруші

«Гриндекс» АҚ. Крустпилс к-сі, 53, Рига, LV-1057, Латвия

Тіркеу куәлігінің иесінің атауы және елі

«Гриндекс» АҚ, Латвия

Қазақстан Республикасы аумағында тұтынушылардан дәрілік заттардың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Гриндекс» АҚ өкілдігі

050010, Алматы қ., Достық даңғылы, Бөгенбай батыр к-сі қиылысы, 34а/87а үй, №1 кеңсе

т./ф. 291-88-77, 291-13-84

эл. почта: grindeks.asia.kz@mail.ru